Sputnik Ўзбекистон

Ўзбекистон ва Афғонистон фармацевтика савдосини $500 млнга етказади

Бу ҳақда Фармацевтикани ривожлантириш агентлиги директори Абдулла Азизов ва Афғонистон саноат ва савдо вазири Нуриддин Азизийнинг Кобулда бўлиб ўтган учрашувида маълум қилинди.
Томонлар техник ишчи гуруҳ тузиш, ахборот алмашувини кучайтириш ҳамда йирик дистрибьютерлар билан тўғридан-тўғри ҳамкорликни йўлга қўйишни муҳокама қилишди.

Қўқонда банк ходими мижозни ўлдириб, жасадни ариққа ташлаб юборди

Бош прокуратура матбуот котиби Хаёт Шамсутдиновнинг Sputnik Ўзбекистон

’га маълум қилишича, 31 март куни эркак автокредит расмийлаштириш учун банкка борган, аммо уйига қайтмаган. Шундан сўнг яқинлари уни қидира бошлаган.
Маълум бўлишича, у банк ходими томонидан ўлдирилган: улар ўртасида жанжал чиққан, оқибатда эркак пичоқланиб, жасади Катта Фарғона каналига ташланган.
Гумонланувчи қўлга олинган ва айбига иқрор бўлган. Ҳозирда марҳумнинг жасади ғаввослар ва маҳаллий аҳоли томонидан қидирилмоқда.

Валентин Фалин хотирасига бағишланган ёдгорлик тахтаси очилди

Бугун “Россия Сегодня” халқаро ахборот агентлиги биносида Таниқли дипломат ва журналист Валентин Фалин хотирасига бағишланган ёдгорлик тахтаси очилди.
Валентин Фалин (1926–2018) 3 апрелда Ленинградда туғилган. 1950 йилларнинг бошларидан бошлаб у Ташқи ишлар вазирлигида ишлаган, асосан Германия ишларига эътибор қаратган. У Ташқи ишлар вазири Андрей Громико учун муҳим ташқи сиёсат ҳужжатлари ва нутқларини тайёрлашда иштирок этган.
1980 йилларнинг охирларида у "Новости” босма ахборот агентлиги бошқаруви раиси бўлган. У уч маротаба Меҳнат Қизил Байроғи ордени билан тақдирланган. СССР парчаланганидан сўнг, у МГИМОда маърузалар ўқиган ва Россия Федерацияси Президенти миннатдорлигини олган (2010).
Валентин Фалин "Россия Сегодня" халқаро медиа гуруҳини ривожлантиришга ва Россиянинг халқаро мавқеини мустаҳкамлашга катта ҳисса қўшган.

Таниқли журналист, ёзувчи ва таржимон Карим Баҳриев 64 ёшида вафот этди

Бу ҳақда Ўзбекистон журналистлар уюшмаси маълум қилди.
Аввалроқ ОАВда унинг инсульт туфайли оғир аҳволда шифохонага ётқизилгани ва кома ҳолатида экани ҳақида хабарлар тарқалган эди.

Шаҳноза Мирзиёева Халқаро Паралимпия қўмитаси томонидан эътироф этилди

8 март — Халқаро хотин-қизлар куни муносабати билан Халқаро Паралимпия қўмитаси Паралимпия ҳаракати ривожига ҳисса қўшаётган уч нафар аёл мутахассисни алоҳида эътироф этди.
Улар орасида Ўзбекистон Миллий Паралимпия қўмитаси раиси биринчи ўринбосари Шаҳноза Мирзиёева ҳам бор.

Самарқандда СССР паспорти билан яшаб келган аёлга ID-карта берилди

Адлия вазирлиги ижтимоий тармоқларда тарқалган “СССРнинг сўнгги фуқароси Самарқандда яшамоқда” сарлавҳали хабар юзасидан муносабат билдирди.
Маълум бўлишича, 1972 йилда туғилган Онархол Кубаева узоқ вақт турли сабаблар туфайли собиқ СССР паспорти билан яшаб келган ва бу масала бўйича илгари мутасадди идораларга мурожаат қилмаган.

Ўзбекистон гимнастикачилари Жаҳон кубоги финал босқичини якунлади

Туркия мезбонлик қилган мусобақада Оксана Чусовитина таяниб сакраш, Абдулазиз Мирвалиев эса эркин машқ дастурида финалда иштирок этди.
Чусовитина 13,133 балл билан тўртинчи, Мирвалиев эса 13,233 балл билан бешинчи ўринни банд этди.