Бөгелмәнең «Салют» лагеренда сугыш еллары җырларын башкардылар

«Салют» балалар сәламәтләндерү-белем бирү лагеренда Үзәк балалар китапханәсе хезмәткәрләре Бөек Ватан сугышына багышланган патриотик сәгать үткәрде.
Балаларга ил тарихындагы иң авыр елларда җырларның нинди зур әһәмияткә ия булуы турында сөйләделәр. Китапханәче Бөек Ватан сугышының төп символларына әверелгән әсәрләрнең ничек, кем тарафыннан һәм нинди шартларда иҗат ителүе, шулай ук бу җырлар белән бәйле хәрби вакыйгалар турында мәгълүмат бирде.
Лагерьда ял итүчеләр музыкаль әсәрләрнең язылу тарихын тыңлап кына калмады, баян аккомпанементына «Катюша», «День Победы», «Священная война» һәм башка бик күп җырларны бергәләп җырладылар.