АЗИЗ ХОРАЗМЛИКЛАР!

Бугун бир лаҳзага ўзингизни шифохона эшиги олдида турган ота ёки она ўрнига қўйиб кўринг...
Фарзандингиз оғир дард билан курашаётган бўлса...
Шифокорлар эса унинг ҳаётини сақлаб қолиш учун шошилинч қон кераклигини айтса...
Ўша пайтда инсоннинг қалбида на мансаб, на бойлик, на бошқа нарса қолади...
Фақат битта илтижо қолади:
"Эй Яратган, фарзандимни асраб қол..."
Бугун Хоразмда шундай ота-оналар бор.
Шундай болажонлар борки, улар ҳаёт учун курашмоқда.
Уларнинг кўзларида умид бор.
Умид эса сиз ва биз каби саховатли инсонларга боғлиқ.
Қон топшириш — оддий амалдек туюлиши мумкин.
Аммо баъзан бир дона қон пакети бир боланинг кулгусини, бир онанинг қувончини, бир оиланинг бахтини қайтариб беради.
Халқимизда шундай гап бор:
"Яхшилик қилсанг — ўзингга қайтар."
Балки бугун сиз қилган яхшилик кимнингдир ҳаётини сақлаб қолар.
Балки бир онанинг сиз учун қилган дуоси осмонга кўтарилар.
Балки Аллоҳ шу савобли ишингизни фарзандларингиз, оилангиз ва келажагингизга барака қилиб қайтариб берар.
🤲 Шу муносабат билан Ўзбекистон "Адолат" социал-демократик партияси Хоразм вилояти Кенгаши барча юртдошларимизни, ва кўнглида меҳр бор инсонларни "Бор меҳримиз сенга, болажон" акциясида иштирок этишга чақиради.
📍 Хоразм вилояти Қон қуйиш маркази
📅 1–3 июнь кунлари
⏰ 09:00 – 16:00
❤️ Сиз учун бир неча дақиқа...
❤️ Ким учундир эса бутун бир умр...
Бефарқ қолманг.
Бугун бир болажоннинг ҳаётига умид бўлинг.
📞 +998995640541