მე კაცი ვარ

დიდი გრძნობის მონა,
და თვალებში
სიყვარული მიკრთის,
გაზაფხულზე შემიყვარე თორემ
უკვე ვხედავ უშენობა მიჭირს...
წვიმა ისევ ჩამორეცხავს მანძილს,
დაიწყება ამ ქუჩაზეც თოვა,
სადღაც ტალღა აზვირთდება ზღვისთვის
უშენობა, დამჩემდება გლოვად..
მოვა ვიღაც უშენოდაც იტყვის
კაცი იყო რაღაც სევდის კონა,
არაფერი უკეთებიაო მისთვის
ელოდაო ვიღაც ქალის მოსვლას..
მე კაცი ვარ
სიყვარულის მონა,
ამ თვალებში
უშენობა მიკრთის..
29.07.2016
/ მერაბ სალუქვაძე /