Ҷаҳон имрӯз ноорому нафси бад ҷаҳонгир аст,

Ки савдои ҷаҳон нафту туфангу тонку ҳам тир аст.
Ба ҳарҷо ҷангу хунрезӣ замин олудаи хун аст,
Само нороҳату бечораву ошуфтахотир аст.
Рабудан раҳбари як давлатеро хуб осон аст,
Ба дасту пои он марди сахӣ баҳри чи занҷир аст?
Ҳуқуқи мардуми олам надорад эътибори худ,
Касе коре тавонад мекунад вақте,ки қодир аст.
Замоне нест инсоф аз барои ҳамзабони худ,
Чи сон осудахобиҳои ёрони мусофир
аст?
Ғурури Амрикоро ай Худоё,сарнагун гардон,
Ки фармондеҳи ӯ як нобакори нокаси пир аст.
Ба Эрон деҳ оромӣ раҳо бинмой
аз хомӣ,
Дили бечораам нороҳату зору хавотир аст.
Худоё,халқи Русро оштӣ бинмо ба
Укроин,
Ки ҳар як модаре пазмони фарзанд асту дилгир аст.
Зи баҳри кӯдакони Ғазза ё Раб меҳрубонӣ кун,
Ки Исроил ҳамеша чун саги ороми
хапгир аст.
Нахушкад ашки чашмони мусулмонони боимон,
Агарчи қалбашон дар зиндаги пайваста тоҳир аст.
Ҳақиқат дастболо мешавад рӯзе, ки медонад?
Магар зулму шиканҷа аз азал то рӯзи охир аст?
Намехобад зи ғам Маҳкампури аз сӯзи ин олам,
Ки нооромии олам,ғами ҷонсӯзи шоир аст.
✍️Ҷамшеди Маҳкампур.
جهان امروز ناآرام و نفسِ بد جهان‌گیر است ،
که سودای جهان نفت و تفنگ و تانک و هم تیر است.
به هرجا جنگ و خون‌ریزی، زمین آلوده‌ی خون است،
سما ناآرام و بیچاره و آشفته‌خاطر است.
ربودنِ رهبرِ یک دولتی را خوب آسان است،
به دست و پای آن مردِ سخی، بهرِ چه زنجیر است؟
حقوقِ مردمِ عالم ندارد اعتبارِ خود،
کسی کاری تواند می‌کند وقتی که قادر است.
زمانی نیست انصاف از برای هم‌زبانِ خود،
چه‌سان آسوده‌خوابی‌های یارانِ مسافر است؟
غرورِ آمریکا را ای خدایا سرنگون گردان،
که فرمانده‌ی او یک نابکارِ ناکسِ پیر است.
به ایران ده آرامی، رها بنمای از خامی،
دلِ بیچاره‌ام ناآرام و زار و خاطر است.
خدایا خلقِ روس را آشتی بنما به اوکراین،
که هر یک مادری پژمانِ فرزند است و دلگیر است.
ز بهرِ کودکانِ غزّه یا رب مهربانی کن،
که اسرائیل همواره چو سگِ آرامِ خاپ‌گیر است.
نخشکد اشکِ چشمانِ مسلمانانِ باایمان،
اگرچه قلبشان در زندگی پیوسته طاهر است.
حقیقت دست‌بالا می‌شود روزی، که می‌داند؟
مگر ظلم و شکنجه از ازل تا روزِ آخر است؟
نمی‌خوابد ز غم مَحکم‌پور از سوزِ این عالم،
که ناآرامیِ عالم، غمِ جان‌سوزِ شاعر است.
✍️ جمشید محکم‌پور