Баҳор – ёзнинг бордир қиши,

Инсон борки бордир ташвиши.
Тарк этмагай омад қуши,
Йиқилмагай йигит киши
Толеъ бир кулмаса – кулмас,
Йиқилганни дўсти бўлмас.
Омадинг келиб турган он,
Дўстлар бўлар хира – хирмон.
Сендан кетса давру – даврон,
Қочар оға – ининг инон.
Бири келиб ҳолинг сўрмас,
Йиқилганни дўсти бўлмас.
Қалам қошли жаноналар,
Атрофингда парвоналар.
Ҳам тавоқу – ҳам хоналар,
Ўзларин йироқ тутарлар.
Кўзи кўриб кўнгли кўрмас,
Йиқилганни дўсти бўлмас.
Оқилларга қилғил ҳавас,
Яхшиларга бўлғил ҳамнафас.
Доно йўлиндан адашмас,
Пушаймонлигинг хеч иш битирмас.
Ўқ ёйингдан чиқса турмас,
Йиқилганни дўсти бўлмас.