Иззатулла Турганбаев

ЖЕТИМДЕР

23- БӨЛҮМ

Аялдын көрсөтүүсү боюнча Зайнидиндин сөөгү Ак-Жардан табылды. Сотмедэксперттин чыгарган корутундусуна караганда анын айткандарынын баары далилдүү болуп чыкты. Тергөөчүнүн столунда экинчи күбө катары деп эсептелген адамдын канына боёлгон брезентшалча жатты .Күнөөлүү Саматтын үстүнөн топтолгон материалдар көктөлгөн делого кошумча документ болуп «Социализм» колхозунун башкармасы менен кампачысынын колу коюлуп, мөөрү басылган справка тиркелди. Анда «Заготзернодон» колхоз убактылуу он даана брезент-шалча алгандыгы көрсөтүлгөн. Башка колхоздордуку менен алмашып кетпес үчүн бардыгынын четтерине «С» деген тамгалар кара боёктор менен даана жазылган. Мамлекетке төгүлгөн кызылдар м