«Хакас чирі» искіріг.

Пӱӱн піс Илбек Ада чаа тузында пазылған чаа пiчіктерін ӱнендірчебіс. Оларны чааҷы Игнатий Васильевич Трошкин позының хада хонғаны Акулина Лукьяновнаа пастыр. Пічіктерінде ол ипчізін Мапщ тіп адапча. Оларның 3 пала полтыр: 2 хыс паза пір оол. Чаа алнында Игнатий Васильевич, бухгалтер полып, тоғынтыр.
Пӱӱнгі кӱнде ана пу пічіктер аның оолғының, Юрий Игнатьевич Трошкиннің, сӧбірезінде хайраллалчалар. Олар Чоохчыл аалда чуртапчалар.
Игнатий Васильевич Трошкиннің хакас ады Иңнес полтыр. Илбек Ада чааға ол 1941 алай ба 1942 чылда Сыра аймаанаң хабылтыр, 1943 чылда ол Курск тӱгеезінде чат халтыр.
Пӱӱнгі искірігде ӱзінҷі адазының (прадедтің), ана Игнатий Васильевич Трошкиннің, чаа пічіктерін аның кӧргенегі, тіс имҷізі, отчыл Юрий Сергеевич Трошкин хығырча. Пічіктернің хай піреелері хакас паза орыс тіллерінең пазыл партырлар.#ХакасРадио