Тун Пайрамда 530 чатханҷы пір саңай ойнаан.

Анда иң кічіг частығ чатханҷы 5 частығ паза иң улуғ 86 частығ полғаннар.
Асхыс аал чуртагҷызы Снежана Романовна Амзаракова Сарима хызыҷаанан хада ідӧк пу чатханҷылар чӧрімінде араласханнар. Снежана Романовна позы Асхыстағы тузедігліг, коррекционнай , школада ӱгретчі полча. «Социальнай адаптация» тіп предметті апарча. Олғаннарны чуртаста орта тудынарға паза чуртирға ӱгретче тізе,саба полбас. Пу школада 20 азыра чыл тоғын парир.
Тун Пайрамзар ол Сарима хызыҷаанаң хада пір тӧӧй тадар кӧгенекіг килгеннер. Ӧнетін тіктіртірлер.
Снежана Романовнаның хызычаа Сарима Амзаракова чатханнаң пасха ,хомыснаң ойнап пілче. Пуул 2-ҷі класс тоос салған.
Пӱӱл Тун Пайрамда 28 муң азыра кізі пол парыбысхан. 2024 чылдағы ӱлӱкӱнде 14 муң азыра полған. Пӱӱл чон 2 хатиге кӧп чыылды. Анзы пӱӱл Тун Пайрам пайрамнығ чазын таныхтаанынаң палғалыстығ. Тун Пайрамға 35 чыл толған.