Матурлыҡты күреп була барынан да...

Матурлыҡты һәр кешелә күреп була-
Йөҙөндә дә, хатта ҡылған эштәрендә .
Матур итеп йәшәй белгән кешеләрҙең
Бәхет нуры балҡып тора күҙҙәрендә .
Матурлыҡты һәр нимәлә күреп була-
Уның өсөн рәссәм булыу кәрәк түгел.
Матур күлдәк , затлы алҡаларҙан башҡа
Кешеләрҙе матурлай бит нескә күңел.
Ваҡыттарҙың уҙыуҙарын һиҙмәйбеҙ ҙә ,
Әй сабабыҙ тормош атын ҡыуа -ҡыуа .
Ялҡын ҡапҡанмы ни беҙҙең йөрәктәргә ,
Төн үтә лә ергә яңы таңдар тыуа .
Тукта әле, әй һин Кешем, ҡыҙыу сапма,
Ял итеп ал, күҙәт әле ерҙең йәмен .
Урманға кил, саф һауаһын һулап йөре,
Рәхәтләнеп иркәләнһен йәнең -тәнең .
Ер йөзендәг булған күпме матурлыҡты
Күңел менән тоя беләйек , күрә беләйек .
Хоҙай биргән ғүмерҙәрҙе яңылштарҙан ,
Ямандарҙан , һағыштарҙан һаҡлай күрәйек !
Алсу Васикова