MAMBA TISHIO KIJIJI CHA RUVU STESHENI KIBAHA-PWANI

Ben Komba/Pwani-Tanzania/2/8/2015 10:56:14 AM Visa vya Mamba kuendelea kushambulia wakazi wa vijijiji vilivyopo kando ya Mto Ruvu vimekuwa tishio kwa wananchi wanaotegemea mto kwa ajili ya kilimo na maji kutokana na kuchukuliwa na kukoswa na mnyama huyo. Mwenyekiti wa kijiji cha Ruvu Stesheni BW.OMARY KIDUNDA Amesema katika siku za karibuni kuna mama mmoja amekoswa koswa katika kivuko cha Kihembahemba alipokuwa anaosha embe zake katika mto huo, ndipo mara akaona kuna kitu kinajaribu kumrukia ili kumvuta mtoni lakini akafanikiwa kukimbia bila kupata athari kubwa. BW.KIDUNDA amebainisha kuwa mamba hao wamekuwa tishio sio tu kwa binadamu hata mifugo hususan mbuzi na ng’ombe punde wanapokwenda kunywa maji. Ameongeza kuwa pamoja na juhudi za serikali kuleta mabwana wanyama kujaribu kuwavuna imekuwa ngumu kupatikana kwani Mamba hao uwa hawaonekani na hivyo kuwafanya baadhi ya wananchi kuamini kuwa wana uhusiano na mambo ya ushirikina. Naye mkazi mwingine BI.ASIA kwa upande ameshawahi kupambana na changamoto hiyo ya Mamba binafsi na kujikuta ikimgharimu kidole,na ameishauri serikali kuboresha huduma ya maji katika kijiji hicho kupunguza matumizi yenye kulazimu wananchi kwenda mtoni. Diwani wa Kata ya Ruvu stesheni, CHARLES MWEKAMO amesema suala la wananchi kushambuliwa na Mamba haliepukiki kutokana na wananchi kutegemea mto huo karibu katika kila kitu kuanzia kilimo, maji kwa ajili ya matumizi ya nyumbani na mifugo. BW.MWEKAMO ameongeza kuwa wamechukua hatua mbalimbali ikiwa pamoja na kuripoti suala hilo halmashauri na mpaka wizarani,lakini pamoja na serikali kuleta wataalam wa wanyamapori hushindwa kuvuna wanyama hao kutokana na kibali kutolewa kipindi ambacho si cha uvunaji, wakati maji yanapokuwa mengi na hivyo kuathiri zoezi zima la uvunaji. END. VSP Group, my partner program. Get connected! https://youpartnerwsp.com/en/join?72003