ACT WAZALENDO WAMPONGEZA DC KIBAHA KUHUSU BOMOABOMOA

Ben Komba/Pwani-Tanzania/22/07/2016 16:43:49 Wananchi mjini Kibaha wameunga mkono hatua ya Mkuu wa wilaya ya Kibaha, BIBI. ASSUMPTA MSHAMA kutembelea eneo ambalo linatarajiwa kujengwa soko la muda mjini Kibaha ili kwenda kujionea hali halisi kilichotokea eneo hilo ambalo hivi karibuni nyumba zilivunjwa kupisha ujenzi huo. Mwenyekiti wa ACT-WAZALENDO Mkoa wa Pwani, BW. MRISHO SWAGALA amesema hatua ya mkuu huyo wa wilaya kwenda eneo hilo na kueleza ambavyo ilistahili kufanywa ili kuepusha migogoro kati ya serikali na wananchi. BW.SWAGALA amesema ifike wakati watendaji wa serikali kufanya kazi zao kwa kuzingatia utu badala ya kutumia nguvu kubwa kuwanyong’eza wananchi maskini ambao hata nyumba walizonazo wamejenga kwa bahati. Ameongeza kuwa watu wa ardhi ndio wanapaswa kuwajibika kwa kumuacha mtu anaanza kujenga na wenyewe kubariki ujenzi huo kwa kutoa kibali cha ujenzi ili hali ramani za mipango mji wanazo ofisini. BW.SWAGALA amewataka watendaji kutumia nguvu na bunduki wakati wanapomuona mtu anajenga eneo ambalo halistahili badala kumngoja amemaliza ndipo wao waje wavunje na nguvu kubwa. END