Sputnik Ўзбекистон

Хориждан юборилган наркотик моддалар мусодара қилинди  

Давлат хавфсизлик хизмати, ИИВ ва Божхона органлари ходимлари Хоразм ва Тошкент вилоятида ўтказилган тезкор тадбирларда икки нафар гумонланувчини қўлга олди.
Хоразм вилоятида Россиядан юборилган жўнатма таркибида ширинликлар орасига шоколад кўринишида яширилган 538 грамм гашиш аниқланди.
Тошкент вилоятида эса наркотик курьерлар томонидан яширин жойга қолдирилган 700 грамм гашишни олаётган пойтахтлик фуқаро ушланди.
Ҳар икки ҳолат юзасидан жиноят иши қўзғатилиб, тергов ҳаракатлари олиб борилмоқда.

Беларусдаги МАЗ корхонасида меҳнат қилаётган ўзбекистонликлар билан учрашув ўтказилди

Миграция агентлиги ва Ўзбекистоннинг Беларусдаги элчихонаси вакиллари Минск автомобиль заводида бўлиб, фуқароларни ишга қабул қилиш ва меҳнат шароитларини муҳокама қилди.
Шунингдек, корхонадаги ишлаб чиқариш ва ижтимоий объектлар кўздан кечирилди.
Ҳозирда МАЗда 120 нафардан ортиқ ўзбекистонлик ўртача $800-1000 маош билан меҳнат қилмоқда.

Зеленскийнинг ҳукуматдаги кадрлар алмашинуви Украинада сиёсий инқирозга сабаб бўлди

Франциянинг Le Monde газетасига кўра, Владимир Зеленский амалга оширган ҳукумат таркибидаги ўзгаришлар Украинада сиёсий инқизорни юзага келтирган.
Янги тайинланган бош вазир Сергей Корецкий мамлакатдаги сиёсий вазиятни барқарорлаштириши керак бўлади. Кадрлар алмашувининг асосий мақсади Михаил Федоровни ҳокимиятдан четлатиш бўлган.
Украина Олий радаси 16 нафар янги вазирни тасдиқлаган, бироқ ташқи ишлар ва мудофаа вазирлари лавозимлари ҳозирча бўш қолган.

«Днепр» гуруҳи ҳужумлари натижасида Украина ҚК 460 нафардан ортиқ ҳарбийсидан айрилди

Россия Мудофаа вазирлиги маълумотига кўра, сўнгги бир ҳафтада Украина қуролли кучлари 460 нафардан ортиқ ҳарбий, 107 та автомобиль ва учта экипажсиз қайиқдан айрилган.
Шунингдек, иккита зирҳли техника, иккита дала артиллерия қуроли ва 25 та радиоэлектрон кураш станцияси йўқ қилинган.
Вазирлик маълум қилишича, «Днепр» гуруҳи Украина ҚКнинг тўртта механизациялашган, битта тоғ-ҳужум бригадаси ҳамда ҳудудий мудофаа бригадасига зарба берган.

МДҲ мамлакатлари 2027-2028 йилларга мўлжалланган туризмни ривожлантириш режасини келишиб олди

Экспертлар 2027-2028 йилларда туризм соҳасидаги ҳамкорликни ривожлантириш, қўшма лойиҳаларни амалга ошириш ва туристик оқимни кўпайтиришга қаратилган чора-тадбирлар режасини маъқуллади.
Келишилган ҳужжат энди МДҲ Ташқи ишлар вазирлари кенгашида кўриб чиқиш учун киритилади.

Ўзбекистонлик дзюдочилар Осиё чемпионатининг биринчи кунида 12 та медални қўлга киритди

Иорданиянинг Амман шаҳрида ёшлар ўртасидаги Осиё чемпионати бошланди. Ўзбекистон вакиллари чемпионатнинг биринчи кунида 6 та олтин, 2 та кумуш ва 4 та бронза медалига сазовор бўлди.
Хусусан, Акбар Шарифов, Давлатбек Ахроров, Акромжон Каримов, Ирода Сирожиддинова, Дилафруз Болтабоева ва Чарос Ҳикматова Осиё чемпионлари бўлди.
Муваффақиятли стартдан сўнг Ўзбекистон терма жамоаси мусобақа пешқадамлари қаторидан жой олди.

Тошкентда собиқ футболчига нисбатан жиноят иши қўзғатилди

Тергов маълумотларига кўра, муқаддам наркотик савдоси учун судланган собиқ футболчи яна гиёҳвандлик воситалари савдоси билан шуғулланганликда гумонланмоқда.
Маълум бўлишича, у сўнгги вақтларда болалар оромгоҳида жисмоний тарбия машғулотлари ўтказиб келган. Шу билан бирга, тахминан 550 млн сўмлик наркотик савдосидан тушган маблағларни криптоактивлар орқали ўтказган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.

Buxoro viloyati va Qoraqalpog‘istonda noqonuniy dori savdosiga chek qo‘yildi

G‘ijduvon tumanida yashirin dori sexi fosh qilinib, 25 mingdan ortiq dori vositalari musodara qilindi.
Yana bir holatda esa MCHJ rahbari davlat reyestrida qayd etilmagan “Oktagam” dori vositasini sotayotgan vaqtida ushlandi.
Nukus tumanida fuqaro xonadonida noqonuniy dori ombori tashkil qilgani aniqlandi. U yerdan qariyb 13 ming dona dori vositasi hamda ularni qadoqlash uchun mo‘ljallangan shtrix-kod va etiketkalar olindi.  
Har uchala holat yuzasidan jinoyat ishi qo‘zg‘atilib, tergov harakatlari olib borilmoqda.

Тошкентда ЙПХ инспекторлари иштирокидаги ЙТҲда бир ходим ҳалок бўлди

Тошкент шаҳри Мирзо Улуғбек туманида ЙПХ инспекторлари ҳаракатланаётган мотоцикллар Onix автомобили билан тўқнашди.
Ҳодиса оқибатида бир нафар ЙПХ инспектори воқеа жойида вафот этди. Тан жароҳати олганларга тиббий ёрдам кўрсатилмоқда.  
Ҳозирда ушбу ҳолат юзасидан терговга қадар текширув ҳаракатлари олиб борилмоқда.

Ўзбекистонда паспорт ва ID-картани йўқотганлик учун жарима бекор қилинади

Президент қарорига кўра, жарима бекор қилиниб, унинг ўрнига фақат давлат божи ундириш тартиби жорий этилади.
Бунинг учун Ички ишлар ва Адлия вазирлиги жорий йилнинг октябрь ойига қадар тегишли таклифларни Вазирлар Маҳкамасига киритиши лозим.
Ҳозирги тартибга кўра, ID-карта ёки хорижга чиқиш учун биометрик паспортни йўқотган фуқароларга БҲМнинг иккидан бир қисмидан уч бараваригача миқдорда жарима қўлланади.

Фирибгарлар алдаган пенсионерлар банкда торт ичидаги петардани портлатди

Ҳодиса Қозоғистоннинг Павлодар шаҳридаги банклардан бирида содир бўлган. Дастлаб фирибгарлар пенсионерларнинг жамғармаларини гўёки даромадли лойиҳага сармоя киритишга кўндирган.
Орадан бир муддат ўтгач, улар кексалар билан яна боғланиб, торт ва петарда сотиб олишни ҳамда уни банк биносида портлатишни буюрган.
Полиция ушбу ҳолатга алоқадор гумондорларни аниқлаган. Ҳозирда жабрланувчиларнинг пулларини қайтариш чоралари кўрилмоқда.

Россияда меҳнат мигрантлари учун махсус телефонлар жорий этиш режалаштирилмоқда

Россия ички ишлар вазири ўринбосари Игорь Зубовнинг айтишича, бундай телефонлар меҳнат мигрантлари ва узоқ муддатга келган чет элликлар учун мўлжалланади.
Унинг таъкидлашича, телефон орқали мигрантнинг жойлашувини кузатиш, унинг бошқа ҳудудга кўчганини назорат қилиш ҳамда ҳужжатлар муддати тугаётгани ёки давлат органига мурожаат қилиши кераклиги ҳақида хабар юбориш мумкин бўлади.
Ҳозирча тизимни жорий этиш муддати маълум қилинмаган.
Қайд этиш керакки, Москва ва Москва вилоятида 2025 йил сентябридан буён мигрантларнинг жойлашувини «Амина» мобил иловаси орқали назорат қилиш бўйича тажриба ўтказилмоқда.

Навоий вилоятида ИИБ терговчисига нисбатан жиноят иши қўзғатилди

Қизилтепа тумани ИИБ катта терговчиси пора олишда гумонланмоқда. У олиб қўйилган телефонни қайтариб бериш эвазига $1000 олган вақтида ушланган.
Терговчи 2003 йилда туғилган фуқаронинг хотирасида тақиқланган диний материаллар бўлиши эҳтимоли билан олиб қўйилган IРhone 17 Pro Max телефонини икки нафар воситачи орқали қайтариб беришни ваъда қилган.
Ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.

ЕИ 2030 йилгача Россияни заифлаштиришни мақсад қилган

Сербия собиқ бош вазир ўринбосари Александр Вулиннинг фикрича, ЕИ Украинага молиявий ва ҳарбий ёрдамни давом эттириш орқали 2030 йилгача Россияни заифлаштириб, унга қарши эҳтимолий тўғридан-тўғри тўқнашувга тайёргарлик кўрмоқда.
Унинг таъкидлашича, Россия ва Хитой Европа давлатларининг ҳарбий-саноат салоҳиятини кучайтириш ҳақидаги баёнотларига жиддий муносабатда бўлиши керак.
У глобал хавфсизликнинг янги тизими бўйича музокараларни бошлаш зарурлигини ҳам айтди. Акс ҳолда дунё кенг кўламли қуролли қарама-қаршилик хавфига дуч келиши мумкин.

Марказий банк ҳузурида Ислом молияси бўйича кенгаш тузилди

Кенгаш ислом молияси соҳасида фаолият юритувчи банклар, микромолия ташкилотлари, Омонатларни кафолатлаш агентлиги ва Марказий банк назоратидаги бошқа ташкилотлар фаолиятини мувофиқлаштиради.
Унинг таркибига ислом ҳуқуқи бўйича тўрт нафар эксперт ва ислом молияси соҳасида бир нафар техник мутахассис кирди.
Кенгаш ислом молияси стандартларини ишлаб чиқиш, молия ташкилотларига маслаҳат бериш ҳамда Марказий банкни халқаро AAOIFI ташкилоти йиғилишларида тақдим этиш билан шуғулланади.

Россиялик ҳарбий шифокор махсус операция давомида мингдан ортиқ ярадорга ёрдам кўрсатган

Россия Қуролли кучларининг «Марказ» гуруҳи денгиз пиёдалари ҳарбий шифокори «Шаман» нинг айтишича, у махсус операция давомида мингдан ортиқ ҳарбийни эваукация қилиб, биринчи тиббий ёрдам кўрсатган.
Унинг сўзларига кўра, у Херсон вилояти ва ДХРда хизмат қилиб, ярадорларни жанг майдонидан олиб чиқиш ва уларга тиббий ёрдам кўрсатиш билан шуғулланган.
Харбий шифокор энг қийин вазифа эвакуация эмас, балки ярадорнинг аҳволини туғри баҳолаш эканини таъкидлади. Айрим оғир ярадорлар ёрдам чақирмаслиги сабабли уларни ўз вақтида аниқлаш ҳаётини сақлаб қолишда ҳал қилувчи аҳамиятга эга.

Ўзбекистонлик боксчи қизлар U19 Осиё чемпионатида жамоавий биринчи бўлди

Индонезия пойтахти Жакартада бокс бўйича ёшлар ўртасидаги Осиё чемпионатида U19 ёш тоифасидаги қизлар баҳслари якунланди.
Ўзбекистон терма жамоаси 10 та вазн тоифасининг 8 тасида иштирок этиб, 4 та олтин ва 2 та кумуш медални қўлга киритди. Бу натижа билан улар умумжамоа ҳисобида биринчи ўринни эгаллади.
Олтин медалларни Сабрина Чакоманова, Севара Маматова, Рушанабону Исоева ва Самира Тургунова қўлга киритган бўлса, Назокат Мардонова ҳамда Мафтуна Янгиева кумуш медалга сазовор бўлди.

Аргентина ЖЧ финалига чиқди

Аргентина терма жамоаси ярим финалда Англияни 2:1 ҳисобида мағлуб этиб, жаҳон чемпионати финалига йўл олди.
Англия ҳисобни 55-дақиқада Энтони Гордоннинг голи билан очди. Аргентина сафида эса 85-дақиқада Энцо Фернандес ҳисобни тенглаштирди, 90+2-дақиқада Лаутаро Мартинес ғалаба голини киритди.
19 июльдан 20 июльга ўтар кечаси бўлиб ўтадиган финалда Аргентина Испанияга қарши майдонга тушади.

«Беш ташаббус Паралимпиадаси» республика босқичи ғолиблари аниқланди

Тошкентдаги «Олимпия шаҳарчаси»да ўтган «Беш ташаббус Паралимпиадаси» республика босқичи якунланиб, ғолиб ва совриндорларни тақдирлаш маросими бўлиб ўтди.
Мусобақалар пара енгил атлетика, пара стол тенниси, пара бадминтон, пара армрестлинг ва шахмат бўйича ўтказилди. Унда мамлакатнинг барча ҳудудларидан 364 нафар спортчи иштирок этди.
Умумжамоа ҳисобида Тошкент вилояти биринчи, Самарқанд вилояти иккинчи, Хоразм вилояти эса учинчи ўринни эгаллади.

ЕИ 2027 йилдан ҳарбий мажбуриятини бажармаган украиналикларга вақтинча ҳимоя бермайди

Европа Иттифоқи мамлакатлари вақтинча ҳимоя мақомини бериш тартибини ўзгартиришга келишиб олди. Янги қоидалар 2027 йил март ойидан кучга кириши кутилмоқда.
Унга кўра, Украинадан янги мурожаат қилувчилар вақтинча ҳимоя олиши учун ҳарбий мажбуриятини бажарганини тасдиқловчи ҳужжат тақдим этиши керак бўлади. Янги тартиб ҳозирда ЕИда вақтинча ҳимоядан фойдаланаётган украиналикларга татбиқ этилмайди.
Шу билан бирга, Европа Иттифоқи украиналик қочқинлар учун вақтинча ҳимоя механизмини 2028 йил 4 мартгача узайтиришга келишиб олди.